«Կոմունիստներին չեն կարող խեղդել»:

Նախկինից մնացած այս ուժը քաղաքական դաշտում ամենամոռացվածներից է: Ճիշտ է, ինչպես կիրակնօրյա, այնպես էլ բոլոր ընտրություններից առաջ Կոմկուսի առաջնորդին թվում է, թե այս անգամ իրենց բախտը բերելու է, եւ այստեղ ու այնտեղ առաջադրված հատուկենտ կոմունիստները հաղթելու են, բայց սովորաբար ստացվում է այնպես, ինչպես միշտ: Նախօրեին տեղի ունեցած ընտրություններում էլ մի քանի կոմունիստների մասնակցությունը միայն թեկնածուների գլխաքանակ ապահովեց, ու ոչ թե կոմունիստներին խեղդեցին, այլ վերջիններս խղճուկ քվեների հերթական չափաբաժինը ստացան: