Շարունակվում է «Մեր հանճարները մեր կողքին են՝ Երեւան քաղաքում» նախագծի շրջանակում մայրաքաղաքի նստարաններին հայ մեծերի արձանների տեղադրման ծրագիրը: Ու քանի որ մեր քաղաքացիներն արդեն հասցրել են անփույթ վարվել Մհեր Մկրտչյանի արձանի հետ՝ կոտրելով մատը, նման վերաբերմունքը բացառելու նպատակով քաղաքապետարանը որոշել է տվյալ տարածքներում տեսախցիկներ տեղադրել: Հիշեցնենք, որ վերջին օրերին համացանցում տարածվել էր մի տեսանյութ, որտեղ երեւում էր, թե ինչպես են մի քանի երիտասարդներ անվայելուչ պահվածք ցուցաբերում Չարենցի արձանի հետ լուսանկարվելու ժամանակ:
.gif)
