BBC-ն անդրադարձել է այսօր՝ ապրիլի 12-ին, Վատիկանի Սուրբ Պետրոսի տաճարում Ֆրանցիսկոս Պապի կողմից Հայոց Ցեղասպանության 100-րդ տարելիցի առիթով մատուցված Ս. Պատարագի արարողությանը:
Պարբերականը գրում է. «Հռոմի Պապ Ֆրանցիսկոսը Օսմանյան կայսրությունում հայերի զանգվածային սպանությունները որակեց 20-րդ դարի առաջին ցեղասպանություն:
«Չարիքի պարտակումը կամ ժխտումը նման է չվիրակապված արյունահոսող վերքի»,- նշել է Ֆրանցիսկոս Պապը:
BBC-ն գրում է նաև, որ Թուրքիան չի ընդունում, որ կատարվածը ցեղասպանություն է, և երկու տարի առաջ կտրուկ արձագանքեց, երբ Հռոմի Պապը 1915թ.-ի իրադարձությունների կապակցությամբ առաջին անգամ օգտագործեց «ցեղասպանություն» եզրույթը:
Աղբյուրը նկատում է նաև, որ, հայկական և անկախ բազմաթիվ պատմաբանների գնահատականներով, Համաշխարհային առաջին պատերազմի ժամանակ թուրքական զորքերի կողմից պարբերաբար իրականացվող սպանությունների արդյունքում զոհվել է 1,5 մլն հայ: Թուրքիայի իշխանություներն այդ թիվը համարում են ուռճացված և հայերի սպանությունները բացատրում պարտերազմական ժամանակների իրողությամբ:
.gif)
