Հոկտեմբերի 2-9-ը Երեւանում կանցկացվի «ՀԱՅ ՖԵՍՏ» թատերական փառատոնը: Այս տարի կնշվի փառատոնի 10-ամյակը: Հանդես կգան 25 թատերական եւ պարային խմբեր 18 երկրից՝ Եվրոպայից, Ճապոնիայից, Իրանից, Վրաստանից: Հոկտեմբերի 5-8-ը նախատեսվում են բացօթյա ներկայացումներ, սպասվում է ավելի քան 200 հյուր եւ մասնակից: Ավանդույթի համաձայն` կմասնակցեն նաեւ հայկական թատերախմբեր: Փառատոնը վարպետության դասընթացների նպատակով կհյուրընկալի նաեւ միջազգային փորձագետների:
«ՀԱՅ ՖԵՍՏ»-ը սոցիալական պատասխանատվության շրջանակներում այս տարի գործակցում է սոցիալապես խոցելի խավերի երեխաների հետ: Փառատոնի հյուրերի համար նախատեսված բաժակները կնկարազարդեն հենց այդ մանուկները: Նրանք հնարավորություն կստանան անվճար դիտել փառատոնի բոլոր մանկական ներկայացումները:
.gif)
