Ծանր հանցագործությունների Գյանջի դատարանում դատական գործընթաց է ընթանում գերի ընկած ԼՂՀ քաղաքացի Արսեն Բաղդասարյանի հանդեպ, փոխանցում է Kəpəz TV-ին:
Պետական մեղադրող կողմը, որը ներկայացնում է Անար Միրկիշիևը, կարդացել է մեղադրական եզրակացությունը, գրում է ԱՊԱ գործակալությունը:
Համաձայն ադրբեջանական լրատվամիջոցների տեղեկությունների՝ «մեղադրյալը չի բողոքել ընդդեմ իրեն ներկայացված մեղադրանքների»: Նշվում է, որ Արսեն Բաղդասարյանն իբրև թե հայտարարել է, որ համաձայն է մեղադրող կողմի հետ ու իրեն մեղավոր է ճանաչում:
Հավելենք, որ նախնական նիստի ժամանակ, որը տեղի է ունեցել ապրիլի 7-ին, պետական մեղադրող Անար Միրկիշիևը Ադրբեջանի քրեական օրենսգրքի 12 կետերով մեղադրանք է առաջադրել Արսեն Բաղդասարյանին:
Նշենք, որ մեղադրանքների չափազանց անհեթեթ լինելու պատճառով ադրբեջանական քարոզչամեքենան վախեցել է դատաքննությունը բաց անցկացնել: Այն ընթանում է փակ դռների հետեւում:
.gif)
