Հայ ռեփեր Դավոն Քանյե Ուեսթի մեծ երկրպագուն չէ, սակայն տպավորված է վերջինիս երևանյան համերգով: Այս մասին Դավոն նշեց Armlur.am-ի հետ զրույցում:
– Տպավորությունները մաքսիմալ էին, որովհետև նա տվեց իրական արտիստի խարիզմա, իսկ այդ երևույթը Հայաստանում շատ քիչ ենք տեսնում:
– Փորձե՞լ եք հանդիպել նրան:
– Ճիշտն ասած` ոչ:
– Իսկ ինչու՞, նրա երկրպագուն չե՞ք:
– Որպես երգիչ` այդքան ել չեմ սիրում իրեն, բայց որպես երաժշտական պռոդյուսեր` շատ եմ հավանում:
– 21 Գրեմիի արժանաված Ուեսթն իր համեստ պահվածքով ի՞նչ սովորեցրեց հայ երգիչներին:
– Բոլոր դեպքերում` ոչ միայն երգիչը, այլև ցանկացած արտիստ պետք է լինի համեստ, անկեղծ ու պարզ, որովհետև պարզության ու համեստության մեջ է միայն գնահատվում տաղանդը:
– Իսկ ի՞նչ պետք է սովորեն նրանից մեր երգիչները: Նա անվճար համերգ ունեցավ այն դեպքում, երբ շատ հայ երգիչներ ահռելի գումարներ են պահանջում նման դեպքերում:
– Մեր երգիչները գիտե՞ք ինչ պետք է սովորեն: Ուղղակի պետք է մոռանան ամեն ինչ, ինչ որ իրանք գիտեին կամ պատկերացնում էին, ու ամեն ինչ սկսեն նորից, կամ ել ուղղակի սովորեն, որ իրանք երգիչ ու արտիստ չեն (խոսքս վերաբերում ա 99%-ին):
Նաիրա Հովհաննիսյան
.gif)
