Վատիկանի Սբ. Պետրոս տաճարում Հռոմի պապի կողմից տրված պատարագը Հայաստանի արտաքին քաղաքականության կարևորագույն ձեռքբերումներից է։ Այսօր կայացած ասուլիսի ժամանակ նման տեսակետ արտահայտեց Ազգային ժողովի ՀՀԿ խմբակցության պատգամավոր Սամվել Ֆարմանյանը:
«Առաջին անգամ էր, որ նման պատարագ է մատուցվում կաթոլիկ եկեղեցու հովվապետի կողմից։ Երկրորդ՝ Հռոմի Ֆրանցիսկոս պապը չխորշեց իրերը կոչել իրենց անունով՝ հայերի հետ կատարվածն անվանելով ցեղասպանություն։ Երրորդ՝ առաջին անգամ հնչեց նաև մեր կաթողիկոսների աղոթքը, որը մեծ խորհուրդ է պարունակում։ Մեզ համար շատ կարևոր էր նաև այն փաստը, որ կաթոլիկ և հայ առաքելական եկեղեցիների ամբողջ պատմության ընթացքում առաջին անգամ Գրիգոր Նարեկացին հռչակվեց տիեզերական եկեղեցու վարդապետ»,-նշեց ՀՀԿ-ական պատգամավորը:
Սամվել Ֆարմանյանն ընդգծեց, որ թուրքական կողմի արձագանքը սպասելի էր: Նա նաև նշեց, թե այս ամենից հետո մի տեսակ լավատեսություն է առաջացել:
.gif)
