Նախօրեին երգչուհի Անի Քրիստին ավտոմեքենայով վթարի է ենթարկվել Լոս Անջելեսի Լոս Ֆելիզ փողոցում: Երեւի թե երգչուհու պահապան հրեշտակն իր հետ է եղել, քանի որ նրան ոչ մի բան չի պատահել, միայն մեքենան է վնասվել: Անին ընթացել է Range Rover Evoque 2012 թվականի արտադրության ավտոմեքենայով, երբ հանդիպակաց ընթացող ավտոմեքենան ուժեղ հարվածել է իր մեքենային այն պահին, երբ ինքը փորձել է ձախ թեքվել: Երգչուհու մեքենան վերջնականապես ջարդվել է, այն այլեւս հնարավոր չէ վարել: Ի դեպ, Անին իր ջարդուխուրդ եղած ավտոմեքենայի նկարներով շտապել է կիսվել «Ֆեյսբուք»-ի ընկերների հետ՝ վթարից մի քանի ժամ անց դրանք տեղադրելով իր էջում: Երգչուհին նաեւ գրել է. «Շնորհակալ եմ, Տե՛ր Աստված, կյանքս փրկելու համար»: Հիշեցնենք, որ Անին արդեն 2 տարի է, ինչ ապրում ու աշխատում է ԱՄՆ-ում:
.gif)
