Խարկովում ապամոնտաժվել է Լենինի ևս երկու արձան: Արձանները գտնվել են քաղաքի երկու բարձրագույն կրթական հաստատությունների բակերում:
Youtube-ում հրապարակված տեսանյութում երևում է, թե ինչպես են մի խումբ մարդիկ ապամոնտաժում արձանը՝ այն կապելով պարաններով: Արձաններից մեկն ապամոնտաժվել է միկրոավտոբուսի օգնությամբ:
ՈւՆԻԱՆ գործակալությունը փոխանցում է, որ արձանները կանգնեցված են եղել Խարկովի ազգային օդատիեզերական համալսարանի ու Ազգային տեխնիկական համալսարանի տարածքում:
Հիշեցնենք, որ ավելի վաղ Ուկրաինայի Զոպորոժի մարզի գյուղերում անհայտ անձինք ապամոնտաժել էին Լենինի 5 արձանները:
.gif)
