«Ժողովուրդ» օրաթերթը գրում է. «Վերջին օրերին պարբերաբար շրջանառության մեջ է դրվում այն լուրը, թե առաջիկայում Կառավարության փոփոխությունից հետո ՀՀ վարչապետ է դառնալու ռուսաստանաբնակ միլիարդատեր գործարար Ռուբեն Վարդանյանը: Սակայն այս լուրերը մի «թերություն» ունեն, որի մասին տարածողները հաստատ չեն մտածել. «Ժողովուրդ»-ը ցանկանում է հիշեցնել, որ ՀՀ Սահմանադրության 85-րդ հոդվածի համաձայն՝ ՀՀ վարչապետը եւ նախարարները պետք է լինեն ՀՀ քաղաքացի: Իսկ Ռուբեն Վարդանյանը, ինչպես հայտնի է, Ռուսաստանի Դաշնության քաղաքացի է (նա նույնիսկ երկքաղաքացի չէ):
Հավելենք, որ չնայած մեր երկրում առկա ապրիլքսանչորսյան տրամադրություններին, այնուամենայնիվ, գործադիրի անդամների մեծ մասը, կարելի է ասել, չի աշխատում: «Ժողովուրդ»-ին հայտնի դարձավ, որ նախարարների մեծ մասը սպասողական վիճակում է, քանի որ իշխանական կուլիսներում համառ լուրեր են շրջում, որ առաջիկայում Կառավարությունը փոխվելու է: Շատերը փորձում են միջնորդներ գտնել, որպեսզի պահպանեն իրենց աթոռները»:
Ավելի մանրամասն` թերթի այսօրվա համարում:
.gif)
