Այսօր անկախ Ղազախստանի նախագահական 5-րդ ընտրություններն են: Ըստ երկրի Կենտրոնական ընտրական հանձնաժողովի նախագահի՝ քվեարկության համար առավոտյան բացվել է 9741 ընտրական տեղամաս: Քվեարկությունը կտևի մինչև տեղական ժամանակով ժամը 20-ը (Երևանի ժամակով ժամը 18-ը):
Ինչպես և նախորդ, այս ընտրությունները ևս արտահերթ են: Արտահերթ ընտրություններ անցկացնելու մասին որոշումը կայացվել է՝ հաշվի առնելով հասարակական կազմակերպությունների ու քաղաքացիների դիմումներն առ այն, որ նպատակահարմար չէ 2016 թվականին և՛ նախագահական, և՛ նախատեսված խորհրդարանական ընտրությունների անցկացումը:
Առաջադրվել է երեք թեկնածու՝ գործող Նախագահ Նուրսուլթան Նազարբաևը, Կոմունիստական ժողովրդական կուսակցության կենտկոմի քարտուղար Թուրգուն Սիզդիկովը և Արհմիությունների ֆեդերացիայի նախագահ Աբելգազի Կուսաինովը:
Նախորդ՝ 2011թ.-ի ապրիլի 3-ին կայացած ընտրություններում Նազարբաևը ստացել է ձայների 95, 55 տոկոսը:
.gif)
