2008թ. սկսված եւ 2011թ. ավարտված Ազգային գրադարանի 305 մլն, ապա 709 մլն 641 հազար դրամանոց շինարարության մանրամասներն այս օրերին քննվում են ՀՀ ոստիկանության քննչական գլխավոր վարչությունում: «Ժողովուրդ»-ի լավատեղյակ աղբյուրները հայտնում են, որ բացի այդ շինարարությունից, լայն թափով ընթացող քրգործի քննության շրջանակներում ՀՀ քաղաքաշինության նախկին նախարար, ԲՀԿ փոխնախագահ Վարդան Վարդանյանի գործունեությանը վերաբերող այլ առավել հետաքրքիր մանրամասներ են ի հայտ գալիս, որոնց մասին, սակայն, դեռեւս չի բարձրաձայնվում: Առայժմ ձերբակալված է ՔՆ շինարարության քաղաքականության վարչության պետ Գոռ Քամալյանը, իսկ նախկին նախարարի հարցն «օդում կախված է»: «Ժողովուրդ»-ի՝ ԲՀԿ-ին մոտ կանգնած աղբյուրները հայտնում են, որ Վ. Վարդանյանը վախենում է ոչ այնքան իրավապահներից, որքան Ծառուկյանից, որը շուտով կիմանա, թե ինչքան գումարով է նա «տռզացրել գրպանները»:
.gif)
