երթեվեկությունը կդադարեցվի

ՀՀ Ոստիկանության կայքից տեղեկանում ենք, որ Ֆուտբոլի աշխարհի առաջնության նախընտրական փուլի Հայաստան-Իտալիա խաղի հետ կապված` հոկտեմբերի 12-ին “Հրազդան” մարզադաշտին հարակից փողոցներում տրանսպորտային միջոցների երթևեկությունը կդադարեցվի։ Մասնավորապես, ժամը 17.00-ից կփակվի Իսակովի պողոտա-Աթենքի փողոց խաչմերուկից դեպի Հրազդանի կիրճ տանող ճանապարհը, իսկ ժամը 18.00-ից` Իսակովի պողոտա-Աթենքի փողոց և Լենինգրադյան փողոց-Աթենքի փողոց խաչմերուկները, Բրազիլիայի հրապարակը, Լենինգրադյան-Հալաբյան փողոցների խաչմերուկից դեպի Լենինգրադյան տանող ճանապարհը: