Քաղաքաշինության նախարարությունը աշխատակազմի նոր ղեկավար ունի

Այսօր ՀՀ քաղաքաշինության նախարար Նարեկ Սարգսյանը հերթական աշխատանքային խորհրդակցության ընթացքում ներկայացրել է աշխատակազմի նորանշանակ ղեկավար Էդգար Գևորգյանին:

Նախարարը ներկայացնելով Էդգար Գևորգյանին նշել է, որ նա երկար տարիներ ղեկավարել է ՀՀ կառավարության աշխատակազմի անձնակազմի կառավարման վարչությունը, ունի տարիների աշխատանքային փորձառություն:

Շնորհավորելով նորանշանակ աշխատակազմի ղեկավարին` նախարարը մաղթել է արդյունավետ աշխատանք: