Գորիս-Ստեփանակերտ ճանապարհին բեռնատարը կողաշրջվել է գազատար խողովակի վրա և վնասել այն

Մայիսի 2- ին՝ ժամը 03։09-ին, ահազանգ է ստացվել, որ Սյունիքի մարզի Գորիսի քաղաքային ավտոկայանի մոտակայքում ավտոմեքենան կողաշրջվել է (տուժածներ չկան). անհրաժեշտ է փրկարարների օգնությունը:

Ինչպես տեղեկացնում է ՀՀ ՏԿԱԻՆ-ը, դեպքի վայր է մեկնել մեկ մարտական հաշվարկ:

Պարզվել է, որ տեղի է ունեցել ՃՏՊ. Մ-12 միջպետական ավտոճանապարհի Գորիս-Ստեփանակերտ հատվածի 3-րդ կմ-ում «Ֆորդ» մակնիշի 90 FL 077 պ/հ բեռնատար ավտոմեքենան (վարորդ Ս. Մ., ծնվ.1976թ.) դուրս է եկել ճանապարհի երթևեկելի հատվածից, կողաշրջվել, ընկել ճանապարհի երկայնքով անցնող գազատար խողովակի վրա և վնասել այն:

Դեպքի վայր ժամանած գազի ծառայության աշխատակիցները դադարեցրել են արտահոսքը:

Հրշեջ-փրկարարներն ուղղել և երթևեկելի հատված են դուրս բերել բեռնատարը: Տուժածներ չկան: