Վիտալի Բալասանյանը դեռ չի որոշել` ընդդիմություն են, թե ոչ

Ժամը 20:00 դրությամբ փակվել են Լեռնային Ղարաբաղի բոլոր ընտրատեղամասերը:  Խորհրդարանական ընտրությունները մեկնարկել էին առավոտյան 08:00-ին:

Armlur.am-ը զրուցեց  «Շարժում-88» կուսակցության առաջնորդ. ազատամարտիկ Վիտալի Բալասանյանի հետ, ով մեզ հետ զրույցում նշեց, թե այսպիսի ընտրություններ Լեռնային Ղարաբաղում դեռևս չէին անցկացվել:

Նշենք, որ Վիտալի Բալասանյանի ընտրատարածքն Ասկերանն է, սակայն մեզ հետ զրույցում նա նշեց, թե այնտեղի ընտրատեղամասում վստահված անձ չունի: Մեր այն հարցին, թե որն է պատճառը, Բալասանյանը ընդգծեց, որ վստահում է ժողովրդին:

Մեր հարցին` խորհրդարանում ընդդիմություն եք լինելու, թե իշխանություն, Բալասանյանը պատասխանեց, թե դեռ վաղ է խոսել այդ մասին: Նա ընդգծեց, թե միայն ընտրությունների արդյունքներն ամփոփելուց հետո պարզ կլինի` խորհրդարանում կլինեն ընդդիմադիր, թե իշխանություն: