Կողոպուտ` Երևանի Հերացու փողոցում

Մայիսի 3-ին, ժամը 23.00-ին, ոստիկանության Երևան քաղաքի վարչության ՊՊԾ գնդի 3-րդ հատուկ գումարտակի ծառայողները Երևանի Հերացու և Կորյունի փողոցների խաչմերուկից, կողոպուտ կատարելու կասկածանքով, Մարաշի բաժանմունք բերման են ենթարկել 1997 թ. ծնված Նարեկ Ս.-ին և ներկայացրել 1999 թ. ծնված Գառնիկ Զ.-ին ու 1999 թ. ծնված Յուրա Ա.-ին:

Պարզվել է, որ նույն օրը, ժամը 22.00-ին Հերացու փողոցում Նարեկ Ս.-ն բացահայտ հափշտակել է 1978 թ. ծնված Քրիստինե Բ.-ի պայուսակը, որի մեջ եղել է դրամապանակ, 10.000 ռուբլի և 3 բջջային հեռախոս:

Վնասի չափը պարզվում է: Հափշտակվածն առգրավված է: Կատարվում է քննություն: