“Ժառանգություն” եւ “Ազատ դեմոկրատներ” կուսակցությունների միջեւ խոչընդոտը Ռուբեն Հակոբյանն է: Այդ մասին այսօր` հոկտեմբերի 22-ին լրագրողներին հայտնել է “Ազատ դեմոկրատներ” կուսակցության առաջնորդ Խաչատուր Քոքոբելյանը` “Ժառանգություն” խորհրդարանական խմբակցության նիստից հետո:
Նրա խոսքով` խորհրդարանական ընտրություններից հետո “Ազատ դեմոկրատները” պահանջել են Հակոբյանի անունը հանել “Ժառանգության” ցուցակից: “Մենք առաջարկում էինք, որ “Ժառանգությունը” ներկայացնի ոչ թե Ռուբեն Հակոբյանը, այլ` Զարուհի Փոստանջյանը”, – հայտնել է Քոքոբելյանը` ընդգծելով, որ խմբակցությունում տարաձայնությունները Հակոբյանի անձով են պայմանավորված: Ի պատասխան հարցին` հնարավոր է արդյոք, որ “Ազատ դեմոկրատների” ներկայացուցիչները պահպանեն իրենց մանդատները, սակայն լքեն խմբակցության շարքերը, Քոքոբելյանը խոստացել է հանդես գալ հայտարարությամբ, ինչպես նաեւ հստակեցնել հետագա գործողությունները:
.gif)
