25-ամյա բրազիլացի Ռոմարիո դոս Սանթոս Ալվեսը շատ էր ցանկանում մեծ և մարզված մկաններ ունենալ, սակայն չէր ցանկանում ջանքեր գործադրել, այդ պատճառով սկսեց օգտագործել սինթետիկ յուղ՝ սինթոլ, որի արդյունքում զրկվեց արհեստականորեն փքված ձեռքերից, գրում է New York Post-ը:
Բոդիբիլդեր դառնալու միտքը երիտասարդի մոտ առաջացել է երեք տարի առաջ: Նրա համար օրինակ էին մարզասրահի իր ընկերները: Նրանք տղային ծանոթացրին սինթոլի հետ, որից հետո Ռոմիրիոն այլևս չկարողացավ հրաժարվել վերջինից, և նույնիսկ հերթը հասավ վտանգավոր ներարկումների:
Նա արդեն կնոջն էր ստիպում իր համար անհասանելի վայրերում ներարկումներ անել: Իսկ երբ վերջինս իմացավ, թե այդ դեղամիջոցը ինչ ազդեցություն է թողնում, պահանջեց ընտրել իրենց հարաբերությունների և սինթոլի միջև:
Բրազիլացու մկանները մոտ 65 սմ աճեցին, սակայն դրանք սկսեցին թմրել, իսկ երիտասարդը պարբերաբար ցավեր էր զգում և չէր կարողանում շարժել իր մկանները:
«Եթե մեկ անգամ ներարկվում ես, և միանգամից արդյունք տեսնում, այլևս չես կարողանում դադար առնել»,- ասում է Դոս Սանթոսը:
Բժիշկը նույնիսկ ասել էր, որ ստիպված են լինելու անդամահատել նրա ձեռքերը, սակայն, բարեբախտաբար, մասնագետները կարողացել են գտնել ելքը և դուրս քաշել ներարկված սինթոլը:
.gif)
