«Շրջանառության հարկի մասին» օրենքի փոփոխությունները ամբողջությամբ ընդունվեցին

ԱԺ-ն այսօր շարունակում է իր աշխատանքները: Նիստը մեկնարկեց մի շարք օրենքների ընդունմամբ։ Նախ առաջին ընթերցմամբ  ընդունվեց «Հայաստանի զինված ուժերում ներքին ծառայության կանոնագրքի փոփոխությունների մասին» օրինագիծը։

Իսկ 2-րդ ընթերցմամբ և ամբողջությամբ ընդունվեց «Շրջանառության հարկի մասին» ՀՀ օրենքում փոփոխություն կատարելու մասին» օրենքի նախագիծը, որը ստացավ  95 կողմ, 6 դեմ և 14 ձեռնպահ ձայներ:

Մինչ այդ, վարման կարգով խոսեցին բոլոր խմբակցության ներկայացուցիչները, որոնցից 4-ը ողջունեցին նախագծում կատարված փոփոխությունները: Իսկ ՀԱԿ խմբակցության ղեկավար Լևոն Զուրաբյանը նշեց, որ այս օրենքով ավելացվում է բեռը հասարակության վրա, և ՀԱԿ-ը դեմ է քվեարկելու։  ԱԺ նախագահ Գալուստ Սահակյանն էլ ի պատասխան նշեց. «Աչքներս լույս, հիմա քվեարկություն»։