Ինչու Գալուստ Սահակյանը չի կարողանում արտաբերել Էնֆիաջյան ազգանունը. պատգամավորն ու ԱԺ նախագահն առանձնազրույց են ունեցել (տեսանյութ)

ԱԺ ԲՀԿ խմբակցության քարտուղար Վահե Էնֆիաջյանը կոռեկտ չի համարում այն հայտարարությունները, թե ԲՀԿ նախկին առաջնորդ Գագիկ Ծառուկյանը, հրաժարվելով կուսակցությունից, հիասթափեցրեց ու խաբեց իր կուսակիցներին: Ընդդիմադիր խմբակցության պատգամավորը վստահ է, որ հանրության համար հասկանալի է, թե ինչու նման կերպ վարվեց Գագիկ Ծառուկյանը, երբ հայտարարեց, որ ինքն այլեւս ակտիվ քաղաքականությամբ չի զբաղվելու:

Armlur.am-ի զրուցակիցը 2009 թվականից օրենսդիր մարմնի անդամ է ու պատգամավոր է ընտրվել ԲՀԿ համամասնական ցուցակով: Վահե Էնֆիաջյանը հայտարարեց, որ ԲՀԿ նախկին առաջնորդ Գագիկ Ծառուկյանը խորհրդարանում երիտասարդների գործունեությունը մշտապես խրախուսել է, ինչի համար էլ ինքը խորհրդարանում է: 2012 թվականին Էնֆիաջյանը կրկին ԲՀԿ համամասնական ցուցակով ընտրվել է պատգամավոր, սակայն վերջինս չցանկացած խորհրդարանում իր կատարած աշխատանքին գնահատական տալ:

Այսօր Վահե Էնֆիաջյանը ԱԺ ԲՀԿ խմբակցության քարտուղարն է ու ըստ նրա՝ իր կուսակիցներն են իրեն վստահել այդ պաշտոնը՝ գիտակցելով, որ կկարողանա արժանապատվորեն կատարել իր առջեւ դրված խնդիրները:

Սոնա Գրիգորյան, Տիգրան Սարգսյան

Մանրամասները` Armlur.am-ի տեսանյութում