Նոր մանրամասներ երևանյան գազալցակայանում տեղի ունեցած խոշոր պայթյունից (ֆոտո)

Armlur.am-ն արդեն հայտնել էր, որ այսօր՝ ժամը 12.00-ին, ահազանգ է ստացվել, որ Երևանի Ա. Բաբաջանյան փողոցի թիվ 75 շենքի մոտակայքում գտնվող գազալցակայանում տեղի է ունեցել պայթյուն (վնասվել է գազալցակայանի տանիքը), հրդեհի նշաններ չեն նկատվում:

Armlur.am-ը ՀՀ ՏԿԱԻ նախարարությունից տեղեկանում է, որ պարզվել է, որ Ա. Բաբաջանյան փողոցին հարող տարածքում (թիվ 75 շենքի մոտակայք) գտնվող «Օլիվեստա» ՍՊԸ-ին պատկանող գազալցակայանում «Մերսեդես» մակնիշի 81 ZL 777 պետհամնարանիշի ավտոմեքենայի (վարորդ՝ Գ. Գ., ծնվ. 1991 թ.) վառելիքի լիցքավորման ժամանակ տեղի է ունեցել գազի բալոնի պայթյուն, վնասվել են ավտոմեքենան (ամբողջությամբ) և գազալցակայանի տանիքը (մոտ 15 քմ):
Փրկարարները կատարել են ավտոմեքենայի հովացման աշխատանքներ, հանել են մարտկոցը, կատարել տարածքի լվացման աշխատանքներ: