Մայիսի 12-ին էկոնոմիկայի նախարար Կարեն Ճշմարիտյանն ընդունել է Ասիական Զարգացման Բանկի (ԱԶԲ) պատվիրակությանը: Պատվիրակության կազմում էին ԱԶԲ Գործադիր տնօրենի տեղակալ Դոմինիկ Ուոլթեն-Ֆրանսը և Հայաստանում ԱԶԲ մշտական առաքելության ներկայացուցիչ Դեյվիդ Դոուլը:
Հանդիպմանը մասնակցել են ՀՀ էկոնոմիկայի նախարարի տեղակալ Սերգեյ Ավետիսյանը, ՓՄՁ ԶԱԿ-ի գործադիր տնօրեն Գեղամ Պետրոսյանը, ՀՀ էկոնոմիկայի նախարարության աշխատակազմի Ներդրումային քաղաքականության վարչության պետ Վահագն Լալայանը:
Հանդիպման ընթացքում կողմերը կարևորել են համատեղ համագործակցությունը, անդրադարձել են իրականացվող ծրագրերին, ընդգծել ինովացիոն ծրագրերի առաջնայնությունը, ինչպես նաև քննարկել են կանանց ձեռներեցության աջակցման ծրագրին առնչվող հարցեր:
Երկուստեք կարևորվել է ԱԶԲ-ի կողմից իրականացվող ծրագրերում մասնավոր հատվածի հետ համագործակցության նոր հարթակի ստեղծման և տեղական ընկերությունների ներգրավման հնարավորությունների շրջանակների ընդլայնման հարցը:
.gif)
