Գորիսում դանակահարվածն ասել է, թե վնասվածքները վայր ընկնելու հետևանքով է ստացել. վիճաբանության հետքերով

Armlur.am-ը ՀՀ Ոստիկանությունից տեղեկանում է, որ մայիսի 16-ին` ժամը 20.50-ին, հիվանդանոցից ոստիկանության Գորիսի բաժնում հաղորդում էր ստացվել, որ «աջ ազդրի հետին և կողմնային մակերեսի, աջ սրունքի վերին երրորդականի կտրած վերք, աջ ծնկան հոդի առաջային մակերեսի քերծվածք, աջ ձեռքի 4-րդ և 5-րդ մատների կտրած վերքեր» ախտորոշմամբ բուժօգնության է ընդունվել 1984 թ. ծնված Արտավազդ Տ.-ն, որտեղ հայտնել է, որ վնասվածքները ստացել է քաղաքային զբոսայգում վայր ընկնելու հետևանքով:

Ձեռնարկված միջոցառումների շնորհիվ տեղեկություններ են ստացվել, որ նույն օրը, ժամը 19.30-ի սահմաններում, Գորիսի մանկական զբոսայգում, վիճաբանության ժամանակ, 1993 թ. ծնված Գագիկ Վ.-ն կտրող-ծակող գործիքով հարվածել է Արտավազդ Տ.-ին` պատճառելով վնասվածքները:

Նշանակվել է դատաբժշկական փորձաքննություն: Մայիսի 17-ին, ժամը 23.00-ին, Գագիկ Վ.-ն կամավոր ներկայացել է բաժին և տվել խոստովանական բացատրություն: Կատարվում է քննություն: