Արդեն տեղեկացրել ենք, որ այսօր առավոտյան Աբովյան քաղաքի շուկայի մի շարք առևտրականներ դուրս էին եկել փողոց՝ բողոքի ակցիայի ընդդեմ Գագիկ Ծառուկյանին պատկանող նորակառույց «Առինջ մոլ» առևտրի կենտրոնի: Սակայն, Գագիկ Ծառուկյանի թիկնազորը՝ հայտնի Էդոյի գլխավորությամբ, հավաքել է բողոքի ակցիայի հիմնական մասնակիցներին, բռնի ուժով, հարվածելով, քաշքշելով` լցրել մեքենաներն ու տարել դեպի Առինջ գյուղ:
Բողոքի ակցիայի ժամանակ տուժել էին նաև Աբովյան քաղաքի հեռուստաընկերության լրագրողները: Նրանց նույնպես հարվածել էին, քաշքշել, խփել տեսախցիկներին և խոչընդոտել լուսաբանելու կատարվածը:
Armlur.am-ի հետ զրույցում Ոստիկանության հասարակայնության հետ կապի և լրատվության վարչությունից տեղեկացրին, որ Աբովյան Հ/Ը-ի տնօրենը դիմել է ոստիկանություն և հայտնել, որ խոչընդոտվում է լրագրողների աշխատանքը:
Հանգամանքները պարզվում են:
Կատարվում է հետաքննություն:
.gif)
