Պալաչ-2–ին ծառուկյանական թիմն է ներքաշել ընտրապայքարի մեջ. նա «Վեդի Ալկո» ընկերության տնօրենի ազգականն է. «Ժամանակ»

«Ժամանակ» թերթը գրում է. «Մեզ հայտնի է դարձել, որ հունիսի 7-ին Աբովյանի քաղաքապետի ընտրություններում առաջադրված երկրորդ՝ Արթուր Գեղամի Հարությունյանը (Պալաչ-2), որը երկար ժամանակ բնակվել է Բելգիայում, և որին ըստ ամենայնի, ծառուկյանական թիմն է ներքաշել ընտրապայքարի մեջ, «Վեդի Ալկո» ընկերության տնօրեն Մանվել Ղազարյանի մորաքրոջ որդին է:

Իսկ երեկ առաջադրված նոր թեկնածուն՝ Էդվին Թադևոսյանը, Գագիկ Ծառուկյանի ազգականն է: Մեզ հասած տեղեկություններով՝ նրան ևս առաջադրել է Գագիկ Ծառուկյանը, որպեսզի ընտրապայքարի կեսից դուրս գա հօգուտ Վահագն Գևորգյանի, որի հիմնական մրցակիցը անկուսակցական Արթուր Հարությունյանն է՝ Պալաչը»:

Ավելի մանրամասն՝ թերթի այսօրվա համարում։