ՀՀ կառավարության այսօրվա նիստին վարչապետ Տիգրան Սարգսյանը հայտարարեց, որ վաղը կոռուպցիայի դեմ պայքարի խորհրդի նիստ է հրավիրելու: Պատճառը՝ վարչապետի և ՀՀ նախագահ Սերժ Սարգսյանի հանդիպումն է, որի ընթացքում նախագահը մտահոգություն է հայտնել կոռուպցիոն խնդիրների առնչությամբ:
“Նախագահը պահանջում է այնպիսի փոփոխություններ կատարել, որոնք լինեն շոշափելի ու տեսանելի: Որպեսզի մենք ունենանք այս բնագավառում հաջողություն, կարծում եմ, անհրաժեշտ է էապես ուժեղացնել համագործակցությունը քաղաքացիական հասարակության հետ: Այդ պատճառով, ես ցանկանում եմ, որ նրանք մասնակցեն խորհրդի նիստին”- ասաց վարչապետը։
Տիգրան Սարգսյան նաև խնդրեց իր գործընկերներին ներկայացնել, թե իրենք որ հասարակական կազմակերպությունների հետ են համագործակցում այս բնագավառում:
Վարչապետն ընդգծեց, որ՝ “Ճիշտ կլինի հրավիրել ընդդիմադիր կուսակցություններին ևս, որպեսզի նրանք մեզ հետ համագործակցեն և ներգրավված լինեն այս աշխատանքներում”:
.gif)
