Երևանի քաղաքապետարանի հանրակրթության վարչության պետ Գայանե Սողոմոնյանը հերթական հանդիպման էր հրավիրել Երևանի քաղաքապետարանի ենթակայության դպրոցներում սովորող սիրիահայ աշակերտներին ու նրանց ծնողներին։
Հանդիպման ընթացքում քննարկվել են երեխաների ուսուցման, ինչպես նաև շրջապատի հետ հաղորդակցության, սոցիալական ներընդգրկման և ընդհանուր դաստիարակությանն առնչվող այլ հարցեր։ Երևանի քաղաքապետարանի հանրակրթության վարչության պետը կարևորել է հատկապես ավարտական դասարաններում սովորող սիրիահայ աշակերտների մասնագիտական կողմնորոշման և ուսումը Երևանի որևէ բարձրագույն կրթական հաստատությունում շարունակելու հարցը։
Հանրակրթության վարչության պետի առաջարկությամբ՝ հաջորդ հանդիպումը կլինի դպրոցական քննաշրջանից հետո։
.gif)
