«Չորրորդ ինքնիշխանություն» թերթը գրում է. «Վերջին շրջանում ներիշխանական շրջանակներում վերսկսել են խոսակցությունները խոշորածավալ կադրային և համակարգի կառուցվածքային փոփոխությունների մասին: Դրանք պայմանավորված են ինչպես իշխանական տարբեր խմբավորումների միջև առկա քողարկված և բացահայտ պայքարով, այնպես էլ օբյեկտիվ հանգամանքներով և միջազգային տնտեսական կառույցների պահանջով: Այս առումով առավել ակտիվացել են խոսակցությունները, որ լուրջ կառուցվածքային փոփոխություններ են սպասվում ՀՀ էկոնոմիկայի նախարարությունում՝ ընդհուպ մինչև նրա որոշ գործառույթների փոխանցումը այլ գերատեսչությունների: Նման կտրուկ գործողությունները պայմանավորված են վերոնշյալ նախարարության և անձամբ նախարար Կարեն Ճշմարիտյանի ոչ արդյունավետ գործունեությամբ, որի մասին բազմիցս իր դժգոհությունն է հայտնել նաև վարչապետ Հովիկ Աբրահամյանը:
Բանն այն է, որ էկոնոմիկայի նախարարության վրա մեծ պարտավորություններ էին դրված Հայաստանում բիզնես մթնոլորտը բարելավելու և դրսի բիզնեսմեններից ներդրումներ բերելու ուղղությամբ: Մինչդեռ, ինչպես ցույց տվեց կյանքը, այս ուղղությամբ աշխատանքները նաև էկոնոմիկայի նախարարության «ջանքերով» լիովին ձախողվեցին: Գրեթե տապալված են նաև Հայաստանում քիչ թե շատ տեսանելի արդյունաբերական ծրագրեր իրականացնելու իղձերը: Արդյունաբերություն ինչպես չկար, անպես էլ՝ չկա: Դե իսկ փոքր և միջին բիզնեսի մասին խոսելն անիմաստ է: Այս պայմաններում բավականին մշուշոտ են թե՛ Կարեն Ճշմարիտյանի մոտակա ապագան և թե՛ էկոնոմիկայի նախարարության գործունեության ձևաչափն առհասարակ»:
Ավելի մանրամասն՝ թերթի այսօրվա համարում։
.gif)
