Որքան էլ զարմանալի` կան մարդիկ, ովքեր ոչ թե ցանկանում են նիհարել, այլ հակառակը` գիրանալ: Համաձայնեք, որ չափից դուրս նիհար մարդիկ անառողջ տպավորություն կարող են թողնել: Եթե ձեր մարմնի քաշը նորմայից քիչ է, ապա ինքնուրույն գիրանալու փորձեր անելուց առաջ արժե խորհրդակցել բժշկի հետ: Իսկ եթե քաշի հետ ամեն ինչ նորմալ է, ապա անհրաժեշտ է փոխեք սննդակարգը:
Գիրանալու տարբերակ է նաև մկանների մարզումը: Այս տեսակի առավելությունն այն է, որ դուք ինքներդ կարող եք ընտրել, թե մարմնի որ մկանախումբը մարզել, հետևաբար և մարմնի որ հատվածը գիրացնել: Դա կարող եք անել մարզասրահում, իսկ եթե նման հնարավորություն չունեք, ապա սպիտակուցային սնունդը կարող է որոշ չափով օգնել ձեզ մեծացնել մարմնի մկանային զանգվածը: Մեծ քանակությամբ սպիտակուցներ են պարունակում ձուկը, մսեղենը, սոյան:
Ինչ վերաբերում է մարմնի ընդհանուր կառուցվածքը փոխող սննդին, ապա այստեղ սահմանափակումներ չկան: Կերեք որքան ցանկանում եք եւ կարող եք:
.gif)
