Փրկարարները շարունակում են որոնել Հրազդանի կիրճում կորած քաղաքացուն (ֆոտո)

ՀՀ ՏԿԱԻՆ մամուլի ծառայությունից Armlur.am-ը տեղեկանում է, որ մայիսի 23-ին, ժամը 14.26-ին տեղեկություն է ստացվել, որ Երևանի Հրազդանի կիրճում հայտնաբերվել է ս. թ. մայիսի 21-ից որոնվող 1925 թ. ծնված Մ. Գ.-ի հագուստը. որոնողափրկարարական աշխատանքների իրականացման համար անհրաժեշտ է փրկարարների օգնությունը:

Դեպքի վայր են մեկնել ՀՆՓԱԻ կենտրոնի փրկարարական ջոկատը և ՃԿԱԿ օպերատիվ խումբը:

Փրկարարներն ու ոստիկանության աշխատակիցները Հրազդան գետի երկայնքով և ափամերձ հատվածով (մոտ 4 կմ) իրականացրել են որոնողական աշխատանքներ: Ժամը 19.30-ին որոնողական աշխատանքները, եղանակային պայմաններից ելնելով, դադարեցվել են:

Մայիսի 23-ին, ժամը 10.30-ին 1925 թ. ծնված Մ. Գ.-ի որոնողափրկարարական աշխատանքները վերսկսվել են:
Դեպքի վայր են մեկնել ՀՆՓԱԻԿ փրկարար ջոկատը և ՃԿԱԿ օպերատիվ խումբը:
Կտրվի լրացուցիչ տեղեկություն: