Ալ. Սպենդիարյանի անվան օպերայի եւ բալետի ազգային ակադեմիական թատրոնի բալետմեյստեր, բալետային խմբի գեղարվեստական ղեկավար Ռուդոլֆ Խառատյանի փոխանցմամբ՝ Ազգային բալետի խումբը կշարունակի փորձեր անել եւ ներկայացումներով հանդես գալ, մինչ վերանորոգվում է օպերային թատրոնի բեմը:
Հիշեցնենք, որ Ազգային բալետի գեղարվեստական ղեկավարը թատրոնի տնօրինությունից պահանջում էր բալետի խմբին դահլիճ եւ բեմ հատկացնել, մինչ կավարտվեին հիմնական բեմի վերանորոգման աշխատանքները: Գլխավոր բալետմեյստերի խոսքով՝ նախարարությունը եւ թատրոնի տնօրինությունը արագ արձագանքեցին այդ խնդրին, ինչի արդյունքում բալետի խումբն իր աշխատանքները կշարունակի Երեւանի Խ. Աբովյանի անվան մանկավարժական համալսարանի դահլիճում՝ օրական ունենալով 3 ժամ: Ազգային բալետի թատրոնը ժամանակավոր դահլիճում կաշխատի երկու ամիս:
.gif)
