«Մայրամուտ, որը հարկավոր է կասեցնել». Վահան Հովհաննիսյանը թոշակի անցնելուց հետո ցանկանում էր խմբագրել իր գրածները (ֆոտո, տեսանյութ)

Այսօր Կոմիտասի անվան կամերային երաժշտության տանը տեղի ունեցավ հայ քաղաքական գործիչ, Հայ Հեղափոխական Դաշնակցության անդամ, կյանքի վերջին տարիներին Գերմանիայում ՀՀ դեսպան Վահան Հովհաննիսյանի «Մայրամուտ, որը հարկավոր է կասեցնել» գրքի շնորհանդեսը:

Շնորհանդեսին ներկա էին  նրա մայրը, որդին, հարազատները, կուսակցական ընկերները, պարզապես մարդիկ, ովքեր ճանաչել են Հովհաննիսային: Armlur.am-ի թղթակցի փոխանցմամբ, երիտասարդ դաշնակցականները հատվածներ ընթերցեցին Հովհաննիսյանի գրքից: Իսկ Վահան Հովհաննիսյանի մայրը` Սյուվերա Հովհաննիսյանը, շնորհանդեսի ողջ ընթացքում արտասվում էր, միևնույն ժամանակ հպարտություն ապրելով, որ նրա նման որդի է ունեցել:

Ներկաներից Կրթության և գիտության նախարար Արմեն Աշոտյանն ասում է. «Ավելի սուր բանավեճեր, քան իմ ու Վահանի միջև է եղել, խորհրդարանում դժվար էր պատկերացնել»: Աշոտյանը կարոտում է Վահան Հովհաննիսյանին այնպես, ինչպես բոլորը:  ԱԺ ՀՀԿ խմբակցության պատգամավոր Մանվել Բադեյանն էլ Վահան Հովհաննիսյանին նայում է որպես մեծ քաղաքական գործիչ:

Հովհաննիսյանի կուսակցական ընկեր, Ազգային ժողովի պատգամավոր Արծվիկ Մինասյանը նշում է, որ Վահան Հովհաննիսյանի մտքերը միայն այս հոդվածաշարով չէ, որ արտահայտվում են: «Վահանին հաջողվեց իր մտքերը շարադրել»,- ասում է պատգամավորը:

Քրիստինա Աղալարյան, Տիգրան Սարգսյան

Մանրամասները` Armlur.am-ի տեսանյութում