Քաղաքապետարանի պարզաբանումը` սնունդ տեղափոխող մեքենաների նկատմամբ վերահսկողություն չիրականացնելու մասին

Սնունդ տեղափոխող մեքենաների նկատմաբ վերահսկողությունը Երևանի քաղաքապետարանի իրավասությունից դուրս է

Երևանի քաղաքապետարանի տեղեկատվության և հասարակայնության հետ կապերի վարչությունից տարածել են հերքում սնունդ տեղափոխող մեքենաների նկատմամբ քաղաքապետարանի կողմից չիրականացվող վերահսկման մասին, որում մասնավորապես ասվում է.

«Զանգվածային որոշ լրատվամիջոցներով տեղեկատվություն է  տարածվել սննդի տեղափոխման անբավարար պայմանների վերաբերյալ և այդ երևույթի նկատմամբ վերահսկողություն չիրականացնելու մեջ հանիրավի մեղադրվել է Երևանի քաղաքապետարանը:

Հարկ ենք համարում տեղեկացնել, որ նշված երևույթի վերահսկողություն իրականացնելու գործառույթ Երևանի քաղաքապետարանը չունի, ուստի առնվազն ճիշտ չէ քաղաքապետարանին մեղադրել մի բանում, որի իրականացումը նրա գործառույթների շրջանակում չէ»: