«Արևելյան աստղ» զբոսաշրջային ջերմանավը, որում եղել է նվազագույնը 450 մարդ, խորտակվել է Չինաստանի Յանցզի խոշոր գետի վրա, հայտնում են ՉԺՀ պետական ԶԼՄ-ները: Հարյուրավոր ուղևորներ անհետ կորած են համարվում: Նավը դեռևս ջրի մեջ է գտնվում: Ջրի մակերեսին երևում է միայն դրա մի մասը: Որքանով հայտնի է, մինչ նավի խորտակվելը նավի անձնակազմը տագնապի ազդանշան չի տվել:
Չինական մամուլը հայտնում է, որ որոշ ուղևորների հաջողվել է լողալով հասնել մինչև ափ, որտեղ նրանք իշխանություններին հայտնել են աղետի մասին: Վերջին տվյալներով՝ փրկել հաջողվել է միայն 10 մարդու: Փրկվածների շարքում նավապետն է ու գլխավոր ինժեները: Նրանք պատմել են, որ նավը կործանումից առաջ ցիկլոնի մեջ է ընկել ու շատ արագ խորտակվել ՝ ընդամենը մի քանի րոպեում:
.gif)
