«Ով սխալ է արել, բացթողում է արել, թող գնա, պատասխան տա, ինչի՞ մասին է խոսքը»:

Եւ այսպես, ՀՀ քաղաքաշինության նախկին նախարար Վարդան Վարդանյանը կամաց-կամաց ուժ է հավաքում եւ նույնիսկ բարձրաձայն մտքեր հայտնում: Իհարկե, նրա ասածների մեջ որեւէ նոր բան փնտրելն անօգուտ զբաղմունք է, բայց հետաքրքիր է, որ ԲՀԿ կարկառուն ներկայացուցիչը խոսում է: Սա արդեն առաջընթաց է: Հիշո՞ւմ եք, երբ ՀՀ վերահսկիչ պալատն առաջին անգամ խորոշ չափերի յուրացումների վերաբերյալ բացահայտումներ արեց, դարձյալ նույն նախարարն այսպիսի արտահայտություն էր արել, թե ինքը մեղավոր չէ: Բայց «տակից», թաքուն տարել ու պետբյուջեից գողացված ողջ գումարները հետ էր վճարել: