Հաղարծինի վանքի մոտակայքում մեքենան գլորվել է ձորը. տուժածների վիճակը ծանր է

Հունիսի 6-ին, ժամը 17.00-ին տեղեկատվություն է ստացվել, որ Տավուշի մարզի Դիլիջան քաղաքի Հաղարծինի վանքի մոտակայքում տեղի է ունեցել ՃՏՊ. կան տուժածներ:

Դեպքի վայր է մեկնել մեկ մարտական հաշվարկ:

Պարզվել է, որ դեռևս չբացահայտված հանգամանքներում «Օպել» մակնիշի 35 UТ 776 պ/հ ավտոմեքենան (վարորդ Դ. Մ., ծնվ.1987թ.) դուրս է եկել ավտոճանապարհի երթևեկելի հատվածից, գլորվել ձորը (մոտ 20 մ) և հայտնվել «Աղստև» գետում:

Մինչ հրշեջ-փրկարարների կանչի վայր հասնելը` վարորդ Դ.Մ.-ն և ուղևոր Ա. Գ.-ն (ծնվ. 1987թ.) տեղափոխվել են Դիլիջան քաղաքի ԲԿ. բժիշկները տուժածների առողջական վիճակը գնահատել են ծանր:

Հրշեջ-փրկարարները հոսանքազրկել են ավտոմեքենան և փակել գազի փականը:

Հրշեջ-փրկարարները հատուկ տեխնիկայի օգնությամբ ավտոմեքենան դուրս են բերել ճանապարհի երթեկելի հատված: