Լիոնել Մեսսին՝ ամենաթանկարժեք ֆուտբոլիստ

Կատալոնական «Բարսելոնա»-ի հարձակվող Լիոնել Մեսսի տրանսֆերային արժեքն ավելի բարձր է, քան իր թիմակից Նեյմարինը և Մադրիդի «Ռեալ»-ի հարձակվող Կրիշտիանու Ռոնալդուինը: Այդ մասին են վկայում Սպորտային հետազոտությունների միջազգային կենտրոնի կողմից արված հետազոտություների արդյունքները: Նշենք, որ հետազոտությունն արվել է Անգլիայի, Գերմանիայի, Իսպանիայի, Իտալիայի և Ֆրանսիայի առաջնություններում հանդես եկող ֆուտբոլիստների շրջանում:

Այդ հետազոտության արդյունքներով Մեսսին գլխավորել է ամենաթանկարժեք ֆուտբոլիստների ցուցակը, իսկ կենտրոնը նրա տրանսֆերը գնահատել է 255,3-280,8 մլն եվրո: Ռոնալդուն ցուցակում հայտնվել է երրորդ հորիզոնականում՝ 113,3-124,7 մլն, իսկ Նեյմարը՝ չորրորդ՝ 89,6-98,5 մլն եվրո: Երկրորդ հորիզոնականը զբաղեցրել է անգլիական «Չելսի»-ի կիսապաշտպան Էդեն Ազարը՝ 135,4-148,9 մլն եվրո: