Հայաստանի Հանրային հեռուստաընկերության մարզական մեկնաբան Կարեն Գիլոյանը սոցցանցի իր էջում գրառում է կատարել, որով տեղեկացնում է, որ Բաքվում կայանալիք ամառային եվրոպական խաղերին Հայաստանի հավաքականի մամուլի քարտուղարն է:
«Ողջույն: Ես առաջին ամառային եվրոպական խաղերին մասնակցող Հայաստանի հավաքականի մամուլի քարտուղարն եմ: Ուստի այսօրվանից մինչև խաղերի ավարտը իմ էջը կարող եք համարել պաշտոնական լրատվության էջ: 6 հոգուց բաղկացած մեր խումբն արդեն 1 օր է Բաքվում է: Մենք բնակվում ենք խաղերի մարզական ավանում: Մեզ հետ նույն շենքում են նաև Շվեդիայի հավաքականը, որի կազմում հայ կա: Մեր հարևանությամբ տեղակայվել են Գերմանիայի, Ֆինլանդիայի, Պորտուգալիայի, Շվեյցարիայի, Թուրքիայի և հունգարիայի հավաքականները:
Այսօր մեզ կմիանան հունահռոմեական ըմբշամարտի հավաքականի մարզիկներն ու մարզիչները: Խաղերի բացման արարողությունը կկայանա վաղը: Հունիսի 13-ին գորգ դուրս կգա Ռոման Ամոյանը:
Տրամադրությունը մարտական է: Մեր հավաքականը պատրաստ է պայքարի: Սպասեք նորությունների: Բոլորիս մաղթում եմ հաղթանակ»:
.gif)
