Զոհված զինծառայողների մայրերն այսօր ևս հավաքվել են Նախագահական նստավայրի առջև: Armlur.am-ի թղթակիցը տեղից հայտնում է, որ ինչպես նախորդ նախորդ, այս անգամ ևս ոստիկանները քաշքշում են որդեկորույս մայրերին` նախագահականի մայթից տեղափոխելով դիմացի մայթ:
Armlur.am-ի թղթակիցը հայտնում է, որ տեղում են ՄԻՊ գրասենյակի աշխատակիցներ, ովքեր Armlur.am-ի հետ զրույցում նշեցին, որ արձանագրել են կատարվածը և համապատասխան եզրակացությունը կներկայացնեն առաջիկայում:
Զոհված զինծառայողներից մեկի մայրը` տիկին Գոհարը, օմբուդսմենի գրասենյակի աշխատակիցներին ասաց, որ նախորդ անգամ, երբ ոստիկաններն իրենց քաշքշում էին, նրանք որևէ քայլ չձեռնարկեցին: ՄԻՊ աշխատակիցներն էլ իրենց հերթին հստակեցրին, որ իրենք ներկա են եղել միջադեպին, կանգնած են եղել մայրերի կողքին, սակայն` ապարդյուն. ոստիկանները, չնայած ամեն ինչին, արել են իրենց գործը:
Այժմ զոհված զինծառայողների մայրերը գնում են օմբուդսմենի գրասենյակ` Կարեն Անդրեասյանի հետ հանդիպելու ակնկալիքով:
.gif)
