Դուք բոլորի ունեցվածքի չափերը գիտե՞ք, հետազոտություններ արե՞լ եք: Հարուստ լինելը կարողությունների խնդիր է, խոսքը վերաբերում է ունակություններին: Լրագրողների հետ զրույցում, պատասխանելով այն հարցին, թե ինչու՞ տարիներ շարունակ չի փոխվում Հայաստանի մեծահարուստների ցուցակը, ասաց փոխվարչապետ Վաչե Գաբրիելյանը:
Այն դիտարկմանը, թե Սամվել Ալեքսանյանը մե՞ծ ունակություններ ունի՝ փոխվարչապետը պատասխանեց. «Ինձնից՝ այո, ձեզնից՝ կասկածում եմ: Սամվել Ալեքսանյանը ԱԺ պատգամավոր է և աշխատում է ձեր անմիջական հայացքի ներքո: Ինքը շատ ունակ քաղաքական և առեւտրային գործիչ է»:
Իսկ այն դիտարկմանը, թե Սամվել Ալեքսանյանը կլինե՞ր հաջողակ գործարար, եթե չլիներ Սերժ Սարգսյանի բարձր հովանու ներքո, նա պատասխանեց. «Սամվել Ալեքսանյանը միշտ եղել է հաջողակ, ոչ միայն այս նախագահի օրոք: Եղել է հաջողակ նաև Ռոբերտ Քոչարյանից առաջ: Ես ընդամենը ասում եմ, որ ինքը մշտապես հաջողակ է եղել»:
.gif)
