Վրաերթի են ընթարկվել երկու աղջիկներ

Նոյեմբերի 22-ին, Երեւանի Բագրատունյաց փողոցի թիվ 43 շենքի դիմաց “ԳԱԶ-32213” մակնիշի ավտոմեքենայի վարորդը վրաերթի է ենթարկել 15-ամյա աղջկա, որը   մարմնական վնասվածքներով տեղափոխվել է հիվանդանոց: Կատարվում է քննություն, հայտնում են Ոստիկանությունից: Նոյեմբերի 22-ին, ժամը 16.00-ի սահմաններում, “ՎԱԶ-2106”  մակնիշի ավտոմեքենայի վարորդը Մասիս քաղաքի Դպրոցականների փողոցում վրաերթի է ենթարկել 19-ամյա աղջկա, որը մարմնական վնասվածքներով տեղափոխվել է հիվանդանոց:

Նոյեմբերի 22-ին, Երեւանի Ռոստովյան եւ Աթոյան փողոցների խաչմերուկում իրար են բախվել  “Մազդա”   եւ  “Նիսսան” մակնիշի ավտոմեքենաներ: Բախման հետեւանքով “Նիսսան”-ի վարորդը  մարմնական վնասվածքներով տեղափոխվել է հիվանդանոց:

Նոյեմբերի 22-ին, ՀԱԶ Բ-1 թաղամասի Անդրանիկի փողոցի թիվ 84 շենքի հետնամասում “ԳԱԶ-ՍԱԶ-350701” մակնիշի ավտոմեքենա է շրջվել, ինչի հետեւանքով  վարորդը  մարմնական վնասվածքներով տեղափոխվել է հիվանդանոց: Նոյեմբերի 22-ին, Ա. Հովհաննիսյան փողոցի թիվ 4 շենքի մոտ “Նիսան Տիդա”  մակնիշի ավտոմեքենան բախվել է ծառի: Վարորդը մարմնական վնասվածքներով տեղափոխվել  է հիվանդանոց: