Մահացել է Թուրքիայի նախկին նախագահը

Թուրքիայի նախկին նախագահ ու վարչապետ Սուլեյման Դեմիրելը կյանքի 91-րդ տարում մահացել է Անկարայի հիվանդանոցներից մեկում:

Դեմիրելը մահացել է սրտային անբավարարությունից, հայտնում է Anadolu գործակալությունը՝ հղում կատարելով  Guven Hastanesi հիվանդանոցի հայտարարությանը, որտեղ քաղաքական գործիչը բուժում է անցել:

Դեմիրելը մեկ ամսից ավել գտնվել է հիվանդանոցում, որտեղ շնչուղիների, ինչպես նաև  սրտի անբավարարության բուժման կուրս է անցել: Իսկ երեքշաբթի օրը Դեմիրելի վիճակը կտրուկ վատացել է, ինչի արդյունքում այս գիշեր վերջինս մահացել է:

Դեմիրելը Թուրքիայի նախագահի պաշտոնն է զբաղեցրել 1993-2000 թթ: