Այսօր կառավարության նիստի ընթացքում արտաքին գործերի փոխնախարար Սերգեյ Մանասարյանը ներկայացրեց ՀՀ ԱԳՆ «Դասընթացավարների վերապատրաստում. Գենդերային հավասարությունը երիտասարդների աշխատանքներում» ծրագրի արտաբյուջետային հաշվի միջոցների ծախսման 2015 թվականի նախահաշիվը հաստատելու մասին հարցը: Նախագծի վերաբերյալ առարկություններ ուներ ՀՀ նախագահի աշխատակազմի ղեկավար Վիգեն Սարգսյանը:
«Պարոն վարչապետ, ես զարմացած եմ, որ մենք նորից գալիս ենք այն քննարկմնաը, որը արդեն եղել է. խոսքը կանանց և տղամարդկանց սեռը գենդերով փոխարինելու անընդհատ ջանքերն են օրենսդրական նախաձեռնեւթյուններում, հետո ենթաօրենսդրական դաշտում: Հիմնավորումը ուղղակի սպանում է, գրված է, որ երիտասարդության շրջանում կա «գենդեր» հասկացության սխալ մեկնաբանություն, որը պետք է ուղղել, այնինչ գենդեր բառը կա բոլոր բառարաններում, դա սոցիալական սեռի ձեռքբերովի ընկալումն է, ոչ թե տղամարդկանց ու կանանց հավասարաությունը, ինչու՞ ենք վերադառնում մի թեմայի, որը հասարակության մեջ վատ է ընդունվում, եթե ուզում ենք տղամարդկանց ու կանանց մեջ հավասարակություն մտցնենք, այդպես էլ գրենք, ինչու՞ ենք մտցնում գենդեր բառը: Այս անգամ պետք է խմբագրենք», – նշեց Սարգսյանը:
Սերգեյ Մանասարյանն էլ նշեց, որ երեկ քննարկումները եղել են և սպասում էին արձագանքին, որն էլ պետք է հնչի կառավարության նիստի ժամանակ: Հովիկ Աբրահամյանն էլ արձագանքեց. «Բայց ինչու՞ կառավարության նիստի ժամանակ պետք է աձագանքը հնչի, այ ես դա չեմ էլի հասկանում: Հաճո՞ւյք եք ստանում դրանից»:
.gif)
