Արմավիրի մարզում հունիսի 16-ից 18-ն ընկած ժամանակահատվածում արձանագրվել է աղիքային վարակի 16 դեպք, որից 1-ը Ջրաշեն համայնքից` մահվան ելքով, 1-ը նորապատ համայնքից` երեխան հոսպիտալացվել է «Սուրբ Աստվածամայր» ԲԿ:
Հունիսի 18-ի դրությամբ Արմավիրի բժշկական կենտրոնի ինֆեկցիոն բաժանմունքում փաստացի առկա է 14 հիվանդ, որից 13-ը` 0-18 տարեկան երեխաներ: Նրանց վիճակը գնահատվում է թեթև և միջին ծանրության, ունեն առողջացման դրական տեղաշարժ:
Համաճարակաբանական հետազոտությունների արդյունքում պարզվել է, որ դեպքերը համաճարակաբանորեն կապված չեն միմյանց հետ: Տնային օջախներից վերցված ջրային նմուշներում շեղումներ չկան:
Ընդգծենք, որ համաճարակաբանական հսկողությունը կրկնապատկվել է: Հաշվի առնելով վերոնշյալ դեպքերի շուրջ հասարակական մեծ հետաքրությունը ևս մեկ անգամ հիշեցնում ենք, որ Հայաստանում համաճարակային իրավիճակ չկա:
Աղիքային վարակներից խուսափելու նպատակով ՀՀ առողջապահության նախարարությունը հորդորում է բնակչությանը խստորեն հետևել անձնական հիգիենայի կանոններին, սննդակարգում օգտագործելուց առաջ մանրակրկիտ լվանալ մրգերը, բանջարեղենը և այլն:
Մսեղիքն օգտագործել միայն պատճաշ եփելուց հետո, սննդամթերքը պահպանել միայն սառնարանային պայմաններում: Խուսափել կրեմային հրուշակեղեն օգտագործելուց, չսնվել պատահական վայրերում: Աղիքային գանգատների առկայության դեպքում չզբաղվել ինքնաբուժմամբ և դիմել բժշկական օգնության:
.gif)
