Երևանում մեքենան ընկել է «Աղի ջուր» կոչվող լճակը

Armlur.am-ը ՀՀ ՏԿԱԻՆ-ից տեղեկանում է, որ հունիսի 20-ին, ժամը 01.01-ին ահազանգ է ստացվել, որ Երևանի «Աղի ջուր» կոչվող լճակն ավտոմեքենա է ընկել. անհրաժեշտ է օգնություն:

Դեպքի վայր է մեկնել ՀՆՓԱԻ կենտրոնի փրկարարական ջոկատը:

Պարզվել է, որ դեռևս չբացահայտված հանգամանքներում «ՎԱԶ-2121 մակնիշի 32 UU 986 պետհամարանիշով ավտոմեքենան դուրս է եկել ճանապարհի երթևեկելի հատվածից և ընկել «Աղի ջուր» կոչվող լճակ:

Փրկարարները հատուկ տեխնիկայի օգնությամբ ջրից դուրս են բերել ավտոմեքենան: