Armlur.am-ին հայտնի է դարձել, որ հունիսի 19-ին ապօրինի հրազեն պահելու կասկածանքով ոստիկանության ԿՀԴՊ գլխավոր վարչություն մի խումբ անձանց, այդ թվում հանցագործ աշխարհում հայտնի Թևոս Սաֆարյանին (Կայարանցի Թևոսիկ) բերման ենթարկելու գործի շրջանակներում կա 2 կալանավորված անձ: Մեզ հասած տեղեկությունների համաձայն` կալանավորվածների մեջ է ԱԺ պատգամավոր, գեներալ Սեյրան Սարոյանի վարորդը` Արմեն Ղարիբյանը: Վերջինս վարել է գեներալին պատկանող «Բենթլի» մակնիշի ավտոմեքենան: Ի դեպ, Սեյրան Սարոյանը չի հերքել, որ մեքենան իրեն է պատկանում, իսկ ինքը բարեկամական կապեր ունի Կայարանցի Թևոսիկի հետ:
Նշենք, որ մեզ տեղեկություններ են հասել նաև այն մասին, որ դեպքի առթիվ ապօրինի զենք կրել-պահելու հատկանիշներով քրեական գործ է հարուցվել:
Ավելի վաղ հայտնել էինք, որ մյուս բերման ենթարկվածները ստորագրությամբ ազատ են արձակվել:
.gif)
