Կոտայքի մարզում կորած քաղաքացու դին հայտնաբերվել է Դիլիջանում

Armlur.am-ը ՀՀ ՏԿԱԻՆ-ից տեղեկանում է, որ հունիսի 24-ին, ժամը 22.06-ին ահազանգ է ստացվել, որ 1947 թ. ծնված Ս. Ս.-ը ժամը 11.00-ի սահմաններում դուրս է եկել տանից (Կոտայքի մարզի Վերին Պտղնի գյուղ, 1-ին փողոց) և չի վերադարձել: Քաղաքացու «ԳԱԶ-2410» մակնիշի ավտոմեքենան վերջին անգամ նկատել են Դիլիջան քաղաքի ոլորանների մոտակայքում. անհրաժեշտ է փրկարարների օգնությունը:

Դեպքի վայր է մեկնել Դիլիջան քաղաքի ՀՓՋ-ի օպերատիվ խումբը:

Հրշեջ-փրկարարները ոստիկանության աշխատակիցների հետ համատեղ հայտանաբերել են Ս. Ս.-ի դին և մոտեցրել շտապօգնության ավտոմեքենային: