ԻՊ զինյալները ներխուժել են Քոբանի. կան տասնյակ զոհեր ու վիրավորներ

«Իսլամական պետության» զինյալները ներխուժել են թուրք-սիրիական սահմանին գտնվող Քոբանի քաղաք, հայտնում է  BBC News-ը:

Հրատարակչությունը հիմնվում է The Syrian Observatory for Human Rights իրավապաշտպան կազմակերպության ակտիվիստների տվյալների վրա: Իսլամիստները  թաքուն կերպով ներխուժել են քաղաք, ինչից հետո նրանցից մեկը սահմանային անցակետում պայթեցրել է ինքն իրեն: Նվազագույնը 5 մարդ զոհվել է:

Այնուհետև զինյալները կրակ են բացել Քոբանիի կենտրոնում, մենամարտ է սկսվել, որը շարունակվում է մինչ այս պահը: Ականատեսները հայտնում են այն մասին, որ փողոցներում ընկած են սպանվածների դիրեր: Ինչպես հայտնում  է Reuters-ը, հղում կատարելով բժիշկների տվյալներին, պայթյունի արդյունքում զոհվել է 12 մարդ, շուրջ 70-ը վիրավորվել են: