«Հրապարակ» օրաթերթը գրում է. «Ուրբաթ օրը տեղի ունեցած ՀՀԿ ԳՄ նիստում Սերժ Սարգսյանն առանձնապես շատ չի խոսել, ունկնդրել է իր թիմակիցներին. բոլորը հատ-հատ արտահայտել են իրենց տեսակետը։ Ապա ասել է, որ սակագնի 7 դրամը չեղարկելու որոշում չի լինելու, սակայն այդպես էլ չի մնալու, քայլեր են ձեռնարկվելու, կայացվելու է որոշում, որը կբավարարի երկու կողմին էլ: Պարզապես պետք է մի քանի օր ցուցարարներին պահել խաղաղության մեջ, մինչեւ վերջնական որոշում, մինչեւ խնդիրը հանգուցալուծվի: Տեղեկացրել է ծերերին, որ հուլիսի 2-ի ԱԺ արտահերթ նիստը հրավիրվում է, որպեսզի վավերացվի Ռուսաստանի կողմից տրվելիք 200 միլիոն դոլար վարկը, որը նախատեսված է զենք ձեռք բերելու համար: Ծերերը գլխի են ընկել, որ սակագնի որոշակի կոմպենսացիայի մասին է խոսքը: Նաեւ, որ հայկական կողմն այլ ֆինանսական սպասումներ էլ ունի Ռուսաստանից»:
Ավելի մանրամասն` թերթի այսօրվա համարում:
.gif)
